मंगोलहरुले बुझ्नु पर्ने कुरा

मंगोल नेशनल अर्गनाइजेशनको बिरोध पनि एउटा समर्थन नै हो भन्ने मैले बुझेको छु, यदि सकारात्मक बिरोध हो भने l मंगोल नेशनल अर्गनाइजेशनको जति बिरोध त्यति नै चासोको साथ् हेरिन्छ तर बिरोध गर्यो भन्दैमा कसैले पनि असभ्य ढंगले गालि गलौज, नगरौ l जसले गलत तर्क गर्छ त्यो उसको योग्यतामा भर पर्ने कुरा हो, जसले जति बुझेको छ त्यो भन्दा सभ्य प्रस्तुत हुन सक्दैन त्यस्ताहरुलाई नचलाउनु बुद्दिमानी हुन्छ किनकि "गुहु" नराम्रो बस्तु हो, फोहोर हो भन्दा भन्दै कसैले कोट्याउछ भने त्यसको उपचार गर्न सकिन्न l त्यसैले सौहार्द बातावरणमा राजनैतिक तवरले बुझेर त्यसको समाधान खोज्नेहरु हाम्रो मित्र शक्ति हुन् र हाम्रो बिरोधि होइनन भनेर मेरो व्यक्तिगत बुझाइ हो l जहाँ क्रिया त्यहाँ प्रतिक्रिया हुन्छ, यसोसले सैदान्तिक, बौद्धिक बिरोधिहरुबाट मंगोल नेशनल अर्गनाइजेशनले फाइदा लिन सक्नु पर्दछ l

मंगोल नेशनल अर्गनाइजेशनले कसैलाई खेद्ने, पिट्ने र सामाजिक सद्भाद तोड्ने सिद्धान्त लिएको होइन, जोड्न स्थापना भएको हो अर्गनाइजेशनका संस्थापक युगपुरुष(IDEAL Hero) डा. गोपाल गुरुङ जसले कहिले पनि त्यस्तो सिकाउनु भएको छैन र सत्यको उजागर गर्दा सामाजिक सद्भाव खल्बलिने हो भने हाम्रो समस्या होइन त्यो शासक बाहुन क्षेत्रीको समस्या हो त्यो समस्या व्यक्तिगत होइन राजनीतिक समस्या हो भनेर बुझ्न सक्नु पर्दछ l मंगोलहरुले लोकतन्त्र चाहेका छन्, धर्मनिरपेक्ष र प्रान्तीय सरकार चाहेका छन् तर प्रजातन्त्र अर्थात् राजतन्त्र होइन लोकतन्त्र गणतन्त्र हो l कुनै एक धर्म राप्रपा नेपाल जस्तो होइन धर्मनिरपेक्षबादी हो जो संबिधानमा उल्लेख भए जस्तो हिन्दु सनातन होइन राज्यबाट टतस्ट रहनु पर्छ भने विश्व ब्यापी मान्यतामा आधारित हो र केन्द्रिकृत होइन विकेन्द्रीकरण सिद्धान्तमा आधारित प्रान्तीय सरकार जुन लोकतन्त्र विधिको शासनभित्रको पाटो हो यहि व्यबस्थाको पक्षपाति हौ र मंगोल भन्नु जातिय होइन र जातीय व्यवस्था नेपाल र भारत त्यो पनि हिन्दुमा मात्र हुन्छ, मंगोल भनेको एक नश्ल, वर्ण अथवा एक मानव वंशज हो र हामी मंगोलहरु मूलबासी हौ र बाहिरबाट पछि भित्रिएका बाहुन क्षेत्रीले वर्ण-विभेद गरेको हुदा त्यहि वर्ण-भेदको बिरोध गरिएको हो तर त्यसलाई अनर्थ लगाएर एमएनओलाई आतंककारी संगठनको रुपमा उभ्याउने जबर्जस्ति दुस्प्रयास गरेको देखिन्छ तर सर्वोच्च अदालतमा ६ वर्ष बहस गरेर निर्वाचन आयोग संग १८ वर्ष संस्थापक डा. गोपाल गुरुङले लडेर रास्ट्रिय दलको मान्यता दिलाई सकेको हुँदा पक्कै पनि संका उपसंका गर्नु पर्ने आवश्यकता छैन र कसैले एमएनओलाई विभिन्न खालको आरोपहरु लगाउछ भने त्यो उसको अज्ञानता बोलेको भनेर बुझेको छु त्यसैले जसको अज्ञानता बोल्यो त्यसलाई छाडी दिउ जसले सैधान्तिक र बौद्धिक बहस पैरवी गर्छ उसले मंगोल नेशनल अर्गनाइजेशन एक यस्तो शक्ति हो जसले आमुल परिवर्तन ल्यावोस भनेर भित्रि चाहना राख्दछ उसलाई पनि बुझेको छु l त्यसैले सम्पूर्ण फेसबुकमा रहनु भएका मंगोल मित्रहरुलाई यहि भन्न चाहन्छु कि हामी एउटा जैतुनको रुख जस्तै बनौ, कडा चट्टानमा उम्रियको पिपल झैँ बनौ जित निश्चित छ, सकारात्मक बिरोधि र नकारात्मक बिरोधि चिनौ ! काम नपाएर दिन कटाउने उपाय लगाउनेको पछि होइन काम भएर पनि ब्यस्त मंगोलहरुलाई बिउझाएर मंगोल अभियानलाई अघि बढाउँ त्यो नै हाम्रो जितको जुइनो हो !

जै मंगोल !

गोपाल गुरुङ अमर रहुन !!

मंगोल नेशनल अर्गनाइजेशन जिन्दाबाद !!!